معقولة ما انتبهت !!!

ما انتبهت لدموعي يومها تحاكيك
ما انتبهت لرجفة شفاتي وانا اتكلّم
ما انتبهت للسّم بالسانك وباياديك
ما انتبهت بسبتك اشكثر (كنت) أتالّم
محد في فنون عذابي يماريك
كأنك طالب وبالقساوة فيّ اتعلّم
جرحت قلبن يحبك يودك شاريك
وقلبي لجروحك صار كأنه مَعْلَم
في لعبتك هذي ماني بمجاريك
بتركك لزمان وهو خير مُعلّم
لكن، انسى في يوم اتندّم واجيك
او حتى اسأل عنك اواسلّم
منت بأبوي ولاني منجبرة فيك
لجل اعذرك بعذابك لي والألم
حرام ما ينطق لساني يناديك
ويحرم عليك فزة خافقي المتأزّم