وين نادر يوم نفسي ما بقى فيها اتساع
مسندي يا مسندي لا صارت الطرقا بعيده
والله اني اعرفك سرحان بالقرم الشجاع
يا غرام اللي نصالك من عقب والي عبيده
استمعلي يوم انا اكثرت من كثر السماع
فجوتن في وسط قلبي ثورة نارن وقيده
محتويها لي ثلاث اشهور بفجوجن وساع
لين ذابن الحنايا مثل ما تذوب الحديده
حرني شوقي عقب ما اقفيت وانكست الشراع
وانت تدري وش جرا والنفس تدري وش تريده
مادفعني الشوق يمه ذاك ابو عيونن وساع
لا وربي ما مظالي بالهوا عيبن اعيده
ذاك في وضح النقا حبه قبل لا اجفاه ظاع
ابتديته بالجهالة وانتهيته بالعقيده
قلتله قدري وقدره وشمت من قول الوداع
يوم نفسي مع مثل شرواه ما هي مستفيده
وجدي اللي فوق روس النايفه والقاع قاع
والذهب وسط الجبال الصم ينقي بين حيده
لكن ان الشوق يم الدار بسلوب وقناع
مع فرايد من رجالن طيبه مثلك فريده
ضحكه او طرقا وقايه لو تمدادينا وقاع
بين هذيا وذيك وكلن ارائه سديده
بينه والبينه متبينه دون الخداااع
والخبيث اصير مثله في خداعه لين اسيده
لا عوا ذيبن لذيبن ما يقال الذيب جاع
صيدته يستر جفلها وان عوا حذر نشيده
والصقر يا كل سمين الصيد ما ذاق الوجاع
مارضا بالجوع يومن مخلبه يضفر بصيده
وانتهض يا مسندي يومن خاف الجاش شاع
ومالزمك ابشر بعزك والخوي مروي عضيده
ويوم وقتي يا عريب الجد لوعني ولاااع
لا تلوعني وشد الحيل والهقوا بعيده

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر