صفحة دفتري - تركي الشدادي

انا وصفحة دفتري والمحابر
نسأل سؤال ٍ حاير ٍ فالأجابه

إلي متى وانا على الصد صابر
مل الخفوق ابعد مواني الكآبه

تعبت انادي للوصل فالمنابر
أقول لا ... للهجر واصك بابه

اغلق بوجه الصد كل المعابر
البين دعوة لوعتة مستجابه

وحاول تكون لكسر الايام جابر
انت تعرف مغليك دمث ٍ جنابه

غنيت ماهو من طرب وانت خابر
من واهج ٍ فالصدر زاد التهابه

الحض أشوفه عابس الوجه غابر
هاوي شقاي مكشر ٍ لي بنابه

هاجس بنات الفكر مل العنابر
محتار لا يعلم دوافع حسابه

كم عاشق ظمت لجود المقابر
صلى البخت صلاة فرضه جنابه

لو مر طيفك في سماء الشعرعابر
اطربت لعيونه لحون الربابه

افرش دروبه ورد واضحك واكابر
له ينهمر همال وبل السحابه

بعد شبكت احد فروخ الاكابر
شقر الحرار اللي عليها المهابه

لاتتركه فاالوكر مقطوع دابر
البين دعوة لوعته مستجابه

...
تركي الشدادي

© 2024 - موقع الشعر