كبر لعينك شوفها

خلك على ميلت الدنيا عصامي صبور
ان طال مشوارها وان قصر مشوارها

ترى العزائم لها شُطئان ولها بحور
اعرف لشطئانها وابعد عن ابحارها

حتى سقوط وخطاء ماهو نهايه وثبور
بالعزم تبدا بها وتعدل امسارها

من صان نفسه وزينها على ماتمور
يدرك /غلاها/ وقيمتها/ وقنطارها

العين ميزان في تقدير كثر الامور
كبر لها الشوف حتى تكبر افكارها

لاتقزم الفكر في شوفة صغاير تدور
واحفظ مقامك وحق الناس وقرارها

خل الوفاء والمروه بين خلقه حضور
تخلق من الشين عذرا وان بدا نارها

الكامل الله (وغيره) في المزايا قصور
والناس بالناس (والله )يعلم اسرارها

طيب الجمايل لها مبدا يزين الشعور
والخافيه فى النوايا تظهر اوتارها

من يفعل الشين ويناقض جمال الظهور
يصغر مقامه صغير الناس وكبارها

فلايقص الشجر حتى تطير الطيور
ولا يبعثر عجاج الارض وغبارها

مسكين منهو يرى نفسه دقيق الامور
الناس ما كل شيٍ يلفت انظارها

ارفع معاليك لاتجزع وخلك صبور
إن زان مشوارها وان شح مشوارها