غريب الأطوار - محمد شويطر

يظهرلي ,,إني غريب الأطوار
ساعه حبيب ..
ساعه قريب ,, ساعه فى الجنه
وساعه فى النار
مش مشكلتي إن الطيبه
موجوده فيا
وبحب الناس اللى اعرفهم
او حتي اللى يكونوا حوليا
مش مشكلتي
إني أضطر ساعات أسرح
فى الكون ,,
واشوف أيامي
يوم يوم مع كل لون
من كل الألوان
وانا عمري ما انسي ابداً
إني إنسان
فرحان بقا أو زعلان ,, مش مشكلتي
ربي ,, علمني الحكمه
وإتعلمت الصبر تمام زي الفرح
و إتعلمت كمان أداوي بيه الجرح
ساعه قريب و ساعه بعيد
وساعه أتوه بالأفكار
مانا أصلى غريب الأطوار
عند العصريه يوماتي
اتخيل نفسي كالأتي
سلطان مملكتي حرير
و أقول وبدون تفكير
يا أهل الدار أنا مسرور
وساعات بردو فنفس الساعه يوم تانى
أغضب وكأني بسلطاني
هزموني أعدائي فمعركه طردوني
بره الأسوار
وأزعق وأنادي على أهل الدار
مشوفش حد قدام وشى
و أبويا يقولى معلشي
و امي تطبطب وتمشي
تجيبلى حاجه أروق بالى
بالى ,, أنا اصلاً مالى
هاها انا فعلا مش سلطان
ولا حتي مهزوم ولا أصلاً غلبان
انا انسان
اه فعلا انسان محتار
لكن دمي خفيف
وخفة دمي إني
و غريب الأطوار

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر