لا دقك الوسواسي - مانع بن حصان

يعلم الله ما تجاهلتك ولاني ناسي
خوة الوافين مثلك يا (علي) مختومه

ولا صفطتك ياعريب الساس يوم الباسي
لعطي اعلومي ويسوق القرم كل علومه

ولا يجي في خاطرك لا دقك الوسواسي
بن (بن حصان) قصر في الوصل وسلومه

واجبً اكون أول واحدً م/الناسي
يوقف بجنبك الين الحال يجلى عسومه

بس ولله الدعاوي لك مع الانفاسي
يالله أن تحفظ رفيقي وان ترد عزومه

تعرف أظروفي يخيرة صحبي الجلاسي
كنها ضرف البريد مختمة في قدومه

وان فتحته بآنت الغمة وزاد عماسي
لين خلتني مثل .. كالحمة المشمومه

ان تجاهلته يقولوا ذا بليا احساسي
وان تواجهنا رجع فيها على اللومه

الكرامة مثل رجماً ما حدً له داسي
والفطين آشجعه لا ميز الملغومة

وانت تعرف قسمي (البادر) مع الفراسي
مثل قسمك يا صتيم المرجله وقسومه

بس نصبر والصبر خواتمة نبراسي
ربنا وصى عليه .. وشرعنا بيرومه

في النهاية ما تجاهلتك ولاني ناسي
يالرفيدي ياعريب الساس مغلى قومه

© 2024 - موقع الشعر