بكفوفي الصوره

شط البحر جيته وفي تالي الليل
بين السهر والنوم أسامر طيوفك

عرشك على الموجة وجسمك مع سهيل
زو لك تهيأ لي وكني أشوفك

بكفوفي الصورة من الماء هما ليل
وارفع يديني وآتلمس كفوفك

سكرة غرام وشوق اجرالمواويل
وارسم على الرملات وكتب حروفك

قمة جنون الحب ياروعة الجيل
متهيضٍ قلبي ذبحني عزوفك

از همك همس وسمع الرد تهديل
كلّي وله يا ليت تسمح ظروفك

يا هوه كم سويت فيني التهاويل
النغمة الخطوات ترقص ردوفك

طرفٍ ذبوله فيه ويلٍ وراء ويل
وخصرٍ نحوله فيه باقي وصوفك

من سم حبك قاضي الحيل ونحيل
متولعٍ وعاف نفسٍ تعوفك

أقلط هلا بك نفحة الفل والهيل
عيني فراشٍ لك ورمشي لحوفك