غابت الشمس

لاغابت الشمس ضاق أتساعه
أدمح له هرج العرب والخطيه

مير لآحد يشكي على الجماعه
أتركوه طريح من عقب خويه

زمن شح بالمواصل والقطاعه
رحم الله زمان مواصل بمطيه

حال المخاليق خفي بالطباعه
هذا يذم و هذا يبخل بالتحيه

لوآه كثر الهم و من ذراعه
يشد و شدت له روح المبليه

الوجع بكسر اليد محدٍ راعه
عجز طبيبٍ وطب الشعبيه

لو يرد زمان الطيب ساعه
ليت يرجع أوله و مع تاليه

كان يتلى مراقيب بشجاعه
شجاعته لها محزم وجنبيه

زمان هذا نهجه ماني تباعه
أسوم المدح بالطيب مشريه

أقنعت نفسي أخذت قناعه
أسمحولي لو قصرت أيديه

أنا عزلت البشر لي مناعه
من أهل النمه إبشح رجليه

قلتها قبل لا أعلن الوداعه
بطوي صفحتي ألف طيه