موج البحر لاهاج في دق وجلال
مثل السفينة فوق موجه رسينا
لا شان بنتٍ لا ولا شان رجال
من شان خيبر شوف خطلٍ يدينا
نبني سروح العز بالجهد والمال
والي رحل يرحل وحقه علينا
دون الوطن دايم يذودون الابطال
يسقي ثراها د منا لو فنينا
والي يجينا مرحبا صب فنجال
نكرم لحاهم لو ذبحنا حدينا
دوم الهدف سامي ولا نعرف أمحال
شوح النظر فوقٍ ولاقد دنينا
الدار نادت هيه تكفون ياعيال
جينا نلبي للندى ما ونينا
والي فزع ياقرم ياطيب الفال
ياكثرهم دق الصدر يوم جينا
في صنقرير القيض صاروا كما الال
مثل غدير روض حنا بقينا
مع النشامى للمواجيب مدهال
لوهي تضيق ادروبنا ما وزينا
نوطى العقارب والافاعي والانذال
قومٍ مطا نيخٍ لمنا عنينا
نوقف بوجه الريح شمخ كما جبال
نشدا لسيلٍ عرم لامن مشينا
من شان شيخة القرى نرخص الغال
تبقى الصروح الشامخة ما حيينا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.