حبيبتي .. حبيبتي .. حبيبتي ..

لـ مرضي البلوي، ، في غير مُحدد، 648، آخر تحديث

حبيبتي .. حبيبتي .. حبيبتي .. - مرضي البلوي

احس انك تماديتي بغيباتك
واحس انك قريبه كل ماغبتي

احس بضيقتك واحس باهاتك
واذا بالليل في نومك تعذبتي

وبللّك غزير الدمع وجناتك
ومن برد الشتا وليله تعجبتي

وجفت ثم جاك النوم دمعاتك
وسالت ثاني دموع ، وتقلبتي

وطل الصُبح وانتي في معاناتك
و بان الحُزن في عينك وكذبتي

على أمك لسألة وش فيك ؟ وخواتك
وما صدق أحد فيهم وعصبتي

واحس ان جوك وان راحوا صديقاتك
واحس ان كان شرقتي وغربتي

واحس برعشة يدينك وخطواتك
إذا حتى على الشُباك ( وقفتي )

واحس في بوحك وهمسك وبسكاتك
ولّك عندي وعد مالزوم برقبتي

ترا مهما يطول البُعد وحياتك
حبيبتي .. حبيبتي .. حبيبتي ..

© 2022 - موقع الشعر