هل النّمه

والله انه مايوانس خاطري بعض الوجيه
من على صدق النوايا , بالمصايب صامته
 
هو سفيه(ن) من حكى بظهور خلق الله سفيه
لايمً نفسه ونفسه لو تحاكت لامته
 
ذا مريض وذا بليد وذا سفيه وذا بليه
صامت بشهر الفضايل , والشهر ماصامته
 
ياهل ( النمه ) وش الي من وراكم نرتجيه
لو نبيع الي كسبتوا / مالمراجل سامته
 
كل منا لو ضهر قلبه على راحة يديه
مابقى بالارض شخص(ن) ماينزل هامته
 
للخلايق ماني ( أدم ) لا , ولا موكل عليه
مير خلق الله تراها مالزمن ذا دامته
 
من يعيش وطاب ذكره يرحم الله والديه
ومن يموت وزاد شره عزتي لقيامته. !
 
(ماجد بن مهل الحربي )