ياسالم بن حمود دامت لياليك
بالعز والافراح مع كل غالي
والله من كل الصواديف يحميك
ولاضاق لك من جور الايام بالي
الله يديملك السعاده ويغنيك
عن حاجت الدنيا وسؤ الحوالي
يالطيب اللي مايملك مخاويك
وقربتك ربح وخوتك راس مالي
ياحر اللي باطويله مرابيك
ياراسين لطيب مرسى الجبالي
يامكرمن جارك وياعز ناصيك
يابن الرجال اللي رقت بالمعالي
يامشرف(ن)بالذكر ربعك واهاليك
يابن الكرام وياكريم السبالي
تكفى الاتنسى وصات رجل(ن)موصيك
اللي عليه الوقت بالحمل مالي
اللي يدور من يفك الشرابيك
زحل(ن)يفك معقدات الحبالي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر