محاورة مع الشاعر صنداح الزلامي - فهد المنصوري

. محاوره جمعتني مع الشاعر ( صنداح الزلامي )
فهد المنصوري

يا سلام الله سلامن للأدب واهل الثقافه
مالها ميزان يطغى .. حجمها مليون طنّا

يا الزلامي كان ولين .. المراح الذيب حافه
أسق طرقين .. هجوسه تارد ولا قد رونّا

صنداح الزلامي
مرحبا واهلين والي مثل وجهك مانعافه

انتشرف يافهد باهل الوفاء والطيب اٍنا
وانت قلبك زين يالشاعر وفعلومك طرافه

تحسب انك مثل ( صياف السحيمي والمعنا )
فهد المنصوري

البقا ياللي ترحب من ذهب بنك الصرَافَه
عد رعادٍ يصج السمع لوحيته يدنّا

والسحيمي كان قفا ، جاك من مثله تخافه
وان كتبه الله . تعيش الواقع اللي كان ضنّا

صنداح الزلامي
ودنا بالخير لكن ياحسافه ياحسافه

بعد مطلق مايجيلك يامهنا ماتمنا
مشكلة ( عبد الملك ) لن كان ماجاله خلافه

صاحب الراي السديد وراعي السيف المحنا
فهد المنصوري

والله ان الخير باقي . ما انقطع حبل المسافه
علموا صنداح كانه للحمل ذا اليوم حنّا

الجنود اللي تَعسكَر .. لو نرقيهم عَرَافه
ما لقينا اللي قوين باس .. هدادٍ وبنّا

صنداح الزلامي
المراجل ماتجي بالنوم تجتاج لكلافه

احتزم يابن الثبيتي في لزومك لا تونا
والجنود الهم مواقف والثبيتي ماحد شافه

مانشوفه غير صوته من بعيد ولا وصلنا
فهد المنصوري

ما لحقنا شك يا اللي ملتحف دافي لحافه
ورث سابع جد .. ما هي ورثت اللي دوب غنّا

الله اكبر كم طموحٍ (ن) بات في حوش الصحافه
ما لقى غير الجليد وبرد وعضامن تثنّا

صنداح الزلامي
الكتاب اللي لقينا صورتك على غلافه

ماجهلنا يالثبيتي بالحقائق ماجلهلنا
والصحافه مالنا ابها كلها حكي ولقافه

العزايم تصنع الامجاد يازبن المجنا
فهد المنصوري

الزلأمي شيّب القيفان ... لو ما شاب قافه
اختلف مشيه بعد ما حدته منا ومنّا

من نوى المشراف يرقى لو يلد بعين شافه
ان تعثر فاسفله وأن كمّل الوادي تعنّا

© 2024 - موقع الشعر