دار فرقى

الموق حارب عتيم الجفن وانزاحه
والرمش للرمش الآخر قال فارقني

والضيقه الي مابين العوج مرتاحه
ارمي بها هناك وآعود وتسبقني

يتيم في دار فرقا فاقد الراحة
لا الجو رايق ولا عاده يروقني

هموم بقعاء ترامى تقل سباحه
والصدر ضيق رذاذ الريش يغرقني

ياشارع الهاجس الي قمة افراحه
ضحكه وذبلت من الي كان حارقني

من شفت ريم الفلا طول بمسراحه
وهو الذي كان لي بالحيل عاشقني

وأنا غلاها يقود الروح للساحه
وحبال الأوهام تظلمها وتشنقني

غرشوبةٍ غشمريه حور ذباحه
منبع حلا والحلا من زينها مقني

ودتني الصدفه لعينين جراحه
ماجيت معجب ولا جتني تلاحقني

الله يمسي عليه بزين مصباحه
ألي لحاله لحاله حيل شوقني

صحيح ما كل غضه عود تفاحة
وما كل من شع نوره شمس تشّرقني

الشاعر فواز بن فايز الحربي