ثغر المطر

ياحياتي / مكانك في عيوني ملاك
وما بقلبي لغيرك من بنات البشر

فالله اللي وضع لك بالحنايا غلاك
والله اللي كتب لك من خفوقي وصر

يكفي انك ملكتيني / بكامل حلاك
ويكفي انك اسرتيني بروحك/عطر

ويكفي ان السعادة حين شبكة يداك
في يديني وعيني بك تغض البصر

شفتي البسمة اللي عانقتها شفاك..!!
كن ما احدن تبسم غير ثغر المطر

والله اليا زعلتي اتحرى رضاك..!!
وان رضيتي ياعمري بك يزين العمر

والفرح لي حضرتي يستثيره سناك
والأمل / يستنير / بطلتك لي حضر

أعشق الطيبه اللي تسكنك عن سواك
حتى صار / الوفا منك / اخذ له مقر

تذكري كيف عشناها ليال ن ضناك
نقتسم / شربة الموية / وحبة تمر

مثلما انتي لي الجنه وحبي سماك
ف آنا آنا / لك الدنيا /حلاها ومر

ومثلما انا لك الجنة وغيمة وفاك
فأنتي انتي /لي الدنيا متاع ومقر

ياملاكي تبين العلم والعلم / جاك
الوفا انتي وانا لك في وفائي دهر

فالله اللي قسم لي في حياتي لقاك
والله اللي كتب لك في حياتك امر

يا حياتي لك الله في عيوني ملاك
لا تساوين نفسك في بنات البشر

شعر / احمد المنتشري
في 19/4/1434ه