ايها المرتحل من بلاد الدعم - حميدان الشويعر

ايها المرتحل من بلاد الدعم
فوق منجوبة كنها الجوذره

روهجت بالعراقيب زبد الضحى
شاف ركابها زايل ذيره

لابن ماضي محمد رفيع الثنا
من بني بيت عز الندى مفخره

ان نخيته على قالة فكها
وان نخيته على وارد صدره

ان بدا لك عدو يبي غره
فاتركه في حبال لها صرصره

اتركه لين تاخذ قضاك
ما يجي ربحها كثر ما خسره

لا تعامل عميل تعفى عليه
ما يشنيك اللواويق في منحره

يا ابن ماضي جميع القرى خلها
وانت فان طعتني فاهدم المحجره

فإن أهلها تمالي عليك العدا
وانها هرمة مثل خطو المره

وان سكانها ما يفكونها
من عداها وهم بينهم مندره

لقمة الحتف انا انذرك عن بلعها
فإنها لازم تقضب الحنجره

مقحم وان غزا جرها من بعيد
وابن شكر ان غزا باقر ودره

أي طير على طار عشى الفريق
واي طير العشا ذاك أبا الصرصره

ماكره كل ليل بعرض الجدار
وكل ساس الى اضحى الضحى نعبره

بين هذه وهذاك فرق بعيد
مثل ما بين صنعاء إلى سنجره

ذا وصلى الله على المصطفى
ما هطل وبل نو وما سيره

© 2024 - موقع الشعر