يقول الشاعر الحبر الفهيم
حميدان الملقب بالعياره

جواب يفهمه من هو ذهين
وشطر في سنوده وانحداره

فكرت وحرت بالناس اجمعين
وميزت الفزار من الخباره

اشوف الناس عدوان البخيل
وخلان الصخي راعي الخياره

ياليت الرزق كله للكرام
عزيزين النفوس بكل شاره

ولا شفت الفهد رزقه يفوته
وكم ضبع وقع رزقه بغاره

فلكن قسم ربي في عباده
إله جل في عظيم اقتداره

الى جاك الولد بيديه طين
وله غرس يحفر في جفاره

ترى هذاك ما ياخذ زمان
الا وهو جامع له تجاره

والى جاك الولد (مطرق خليج)
ومن نوم الصفر غاشي صفاره

يبيع ورث امه وابوه
مدق ما تعشيه الفقاره

فاحذر يا اديب تحط عنده
لك بنت تموت بوسط داره

والى جاك الأمير ضريس يسحن
وينفر ما تضاعف من جواره

ترى هذا ينفر ما يولف
ولا للجار عنه الا النياره

والى جاك الامير به حميه
ويثني دون داره باقتداره

ترى هذا يولف ما ينفر
ويكبر عند كل الناس كاره

وبالحكام مفتخر كبير
الى شفت زوله تقل قاره

سمين للصحن لو خروف
يدبر مار تدبيره دماره

جبان ما يصادم له ضديد
ولا يوم صخا كفه ب (باره)

خفيف عند ربعه والجماعة
يعرفونه أخف من النجاره

يفاخر بالملابس والمواكل
مبخرته على راسه كواره

ينام الليل هو والصبح كله
وقلبه بارد ما به حراره

ترى هذاك ما ياخذ زمان
مقلع شيحة ما به قراره

وبالحكتم من هو يسوس ملكه
من العدوان عن سرق وغاره

يسوس الملك بقلبه وعينه
ومقصوده عماره عن دماره

سواة الليث جزاع عنوف
يسوس الملك ما يفتق خداره

يزور الضد بجموع صباح
بواديها ومن يسكن دياره

للصدقان ألذ من الفرات
وللعدوان أمر من الخضاره

الى من البدو داسوا كمامه
يخليهم جثايا بالمعاره

وبالتجار حراز بخيل
يرابي به يبي زود التجاره

وهو مجهد يجمعه لغيره
وماله حافظه جود صراره

يجيه الوارث اللي من بعيد
وهو يقدم على الله في اوزاره

فطلاب النوال من البخيل
كطلاب الحليب من الذكاره

ومن التجار من يذكر بخير
صبار على كود الخساره

ومهال على المعسر بيسره
وجيرانه وضيفه والخطاره

ترى هذاك يدعى له بخير
وينجيه الوالي من حر ناره

لعله عند تفريق الحساني
متابه في يمينه عن يساره

وبالعيد من هو دون عمه
وداشرهم فلا يسوى حماره

يموق الى شبع وان جاع يسرق
وكيفاته الى شك الكتاره

وبالنسوان من هي شبه صفرا
ولا بالشبه تعرف مهاره

وبالنسوان من هي مثل باقر
ولدها بين فيه الثواره

ولا للبوم يوم شيف صيد
ولا ذكرت بقرة بالمعاره

وبالنسوان من جنس الفويسق
ولدها جردني من نسل فاره

وهذي من إله الناس قسمه
وطبع العبد ما هو باختياره

وصلى الله على سيد قريش
عدد ما جاوب المري هزاره

واله والاصحاب ومن تبع
عدد ما لاح بالمشرق نواره


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر