رسالة الى معاق - صالح العبدالله

تزاحم في وسط صدري المعاني ثم تجي برعود
 
سحاب أحلى الكلام اللي يترجم أجمل الحانه
 
يهل من المعاني مايجي واضح بدون قيود
 
يبرد صدر من صدره كواه الوقت واحزانه
 
أبدخل عالمي وأكتب رسالة واقع مشهود
 
ومثل ماقالو المكتوب ترى يكفيك عنوانه
 
أعاقات البشر واجد ولاتسأل عن الموجود
 
مابين أنسان مايمشي وشخص طال حرمانه
 
وأذابعض البشر يشكي من الاوضاع وقل الفود
 
عرفت أنسان مايشكي سوى لله سبحانه
 
وأذا سيف العرب راقد ولابه في الزمان جنود
 
تسل السيف من غمده وتنطح ظلم عدوانه
 
ترى في العاصمة سيف نطح أقدارها بركود
 
وقال الامر بيد الله خلق أنسان وأنسانه
 
كثير من البشر مثله بلاهم ربنا المعبود
 
وأذا ربي يحب عبده بلاه وزود أيمانه
 
من أول ماذكرو حالك ذكرت الله يابو نود
 
عسى رب البشر يجزاك من خيره وأحسانه
© 2024 - موقع الشعر