رسالة شعب - صالح العبدالله

قهر يخون الحرف ماتخفي صدور
ويعجز عن التعبير من شان غيره
 
قهر يموت الود ويعيش مقبور
ويفقد لسان الحب صادق عبيره
 
قهر ولكن مابه انسان مقهور
لاصار في صدره من الشوق ديره
 
مثلي مثل غيري له احساس وشعور
لازم يترجم مايكن في ضميره
 
لاصرت في بعض المواقيف مقدور
ليه أحبس الاشجان وأقتل زفيره
 
بسمي وبسم الشعب باقة زهور
تحمل كلام الشكر وقلبي سفيره
 
اجمل تحية مدبله ثري مع فور
الى حبيب الشعب وقايد مسيره
 
اجمل رسالة حب والقلب مسرور
من كل فرد وكل دار وعشيره
 
لعيون من طاريه بالخير مذكور
لعيون من غطى على الكل خيره
 
لك يابو متعب اصدق احساس منثور
أهداء متواضع بكلمة قصيرة
 
ياسيدي مشكور مشكور مشكور
على الاعمال الطيبه والكثيره
 
كم من سجين خلفة الباب والسور
أطلقت يدينه بعد ماهي أسيره
 
واللي عسره الدين ويعاني الجور
أعفيت عنه يوم محد يجيره
 
وتقبيلة ايدينك لقت منك محذور
فوق الوصف حتى المواقف مثيره
 
بنيت للتعليم ياسيدي جسور
ونورت شعبك في امور كثيره
 
ياسيدي ماجور والله ماجور
الله يجنبك الامور الخطيره
 
حنا معك ناقف لك اليوم جمهور
بصدق الولاء نهتف جموع غفيره
 
لو أنزف احساسي غلا فيك معذور
شعر مافيه احساس مافيه خيره
© 2024 - موقع الشعر