يامن له الطاعه - حميد بن خرباش المنصوري

يامن له الطاعه وماراد سواه
يارب ماغيرك حد أشتكيله

أفزع لمن خلى دياره ومرباه
في دار قوم والمصالح قليله

دار قحط هلها على عصر حواه
عصر السيوف وعصر نقل الفتيله

واليوم عصر أهل التواليت والجاه
واهل التمدن والنفوس الرذيله

العصر (للتنبه)وفي الليل تلقاه
في سينما يام العبايا ألعبيله

عقب أحتشام العرض والحق وقداه
حتى اللحى حطوا عليها الثميله

مايفتهم حشمة يمينه ويسراه
لاسايل عنك ولامستسيله

والمستحي يضحك وهو داه في رداه
وان راح للدكتور مافاد بيله

ومداعب اللي ؟ لحدان شالاه
واشفى على شوف الوطن عقب سيله

حي السلام وحي خط قريناه
واهلا هلا بالطارش اللي يشيله

ترحيب محبوب محبه الى جاه
من مخلص مافي كلامه دغيله

والف يخص اللي تملاه وانشاه
قرم جعل نفسي لنفسه عديله

قصده نعود القاف وزالقاف عدناه
حقه علي وحقنا يلتقيله

خطه على راسي وعذره قبلناه
واللي مضى كله ضربنا سبيله

ان كان ينشد عن لزيمه ومنشاه
سوا ومن شتى جزيرة عقيله

احد عشر عام وانا في مراماه
يا الله ياعدال حملي وميله

فان كان يذكر يوم جانا وجيناه
شرق من الهيم وحزم القبيله

ذبح لنا شاة وجاره ذبح شاه
يفعل وحنا نستحق الجميله

والطرف من يابس حطبها حرقناه
والجمر يكفي للشوايا بهيله

والقدر يلعب والبناذق محذاه
والما حلاته وافقت لتعبيله

وان كان تذكر حالة العسر سمناه
لابد عقب العسر يسر يجيله

طالب وطال الصبر والصبر لله
والوقت ضد أهل النفوس الجميله

راعيه يشري البر والرز خلاه
والتمر يكفي عن جديده حويله

واللبن راعي الربعه الربع كفاه
مبرودة وقنادها زنجبيله

وان كان تذكر راعي الفضل واحماه
عساه في عز وحياة طويله

وان كان تذكر يا الكبيسي عطاياه
أصغر عطاياه الغروس الضليله

وان كان تذكر له أحسانه ونعماه
كل القبايل له عليهم فضيله

وان كان تذكر سيرته في رعاياه
حتى جهاز اماتهم من جميله

والله يالحدان والله لولاه
باليوم كل ما تنتنا مقيله

في منزل حتى الهوى ماتهناه
واصبحت كني ماكللي نديله

وان كان تذكر لي وطنا ومرعاه
يوم الزبيدي مثل مرو المسيله

ان فك بابه يالزيمي دخلناه
وان صك بابه دبروا لي وسيله

اما قصيرلك على الخير وحذاه
والاينزلني رياض العقيله

حتى يطيب الكيف والهم ننساه
في دار نساف الحمول الثقيله

بيت المكارم والصخا كيف من جاه
فرز الزغى مقعد صغى كل عيله

هيا النديب اركب بخط كتبناه
على أشقر تطوي الريادي هذيله

من قصر بن عايد نهاره ومضواه
قصر جوازك ينتهي من وكيله

وان ساعدك حتى العشا لاتتناه
وان عاسمك قزر نهارك وليله

والصبح قلط له عريضه مثاناه
واحضر جوازك يفتهم من كفيله

ان جيت والايحتسب للمجازاه
عقبك نقلط في الشبيلي رجيله

والنضو خله عند راعي الموالاه
يسرج براسه والنضو يشتري له

واخلص وبادر لنج حمزه وجزواه
لنج تسصما عند أهلها سهيله

واطرح وحول واظهر الباس يقراه
راعيه وانت ايلا بغيته تجيله

واركب على اللي مثل طير المخالاه
فرت جديد الشوف ماحق ويله

مقدار مايقرا التحيات لله
ابو صباح في سجود النفيله

ينشد عن الشاعر وبيته وينصاه
بيت تمناه النضا عقب عيله

بيت ايلا تاه المقدر تمناه
راعيه طيب والتجاره قليله

بيت ورسلان أنظاف معذاه
ومضولع يدعي النشاما عويله

واهلا وترحيب وفصل قصر ماه
راعيه من هيل الحبش يحتسيله

عقب التحيه والشحم والمساباه
مده بمكتوب قليله دليله

والف الصلاه على رسول تبعناه
محمداللي كلنا ندعيله

© 2024 - موقع الشعر