العُمر ! - تلآآآهيف العمري

ياحاضنٍ بالعمى عمرك و تجري به
محسوب منك الفنى لو كان بك جاري

لو ما تراعيه ذآري الوقت يذري به
عمرك ولو دامت الأطوآر له ذآري

إحذر تِلفآفه حِذرا من عذآريبه
مدآم أوحيت لذعة سمَه الهآري

زُعاف دربه ولو ما عيف تجريبه
ماكان هذا لديغ وذاك مت واري !

والوقت نهرٍ ولو صفيت مشاريبه
مصيره لقاع لا بايع ولاشاري!

ياكم تحدّر غنيٍ من مساريبه
الين اضحى فقير الصوت والطاري

هَدْرٍ هدِر دونما يحسب محاسيبه
كآن أدخر به عتآد ليومه الطآري !

لو هو يَعمّره قبل انه يماري به
لو هو تغانمه قبل أن لا يُرا عاري

لو هو يساهم بربحه دونما ريبه
لو يبذل الحال يرضي الواحد الباري

لو يلجم النفس قبل النفس تغري به
لو يدرِ بالموت قبل الموت به داري !

ماضاع عمرٍ قضى ل الله تغريبه
ولا ضّيع الله صبر الصايم القاري .

© 2024 - موقع الشعر