برد الشتا

مدي لوصلي يد .. وامد لك يد
الحظ من مبطي عقد لي حجاجه
 
برد الجفا زوّد على هالشتا برد
وانا اظن لمسة كفوفك .. علاجه !
 
من فتنة الكحلة اليا فتنة القد
اللي خذا من الخيزران اعوجاجه
 
هيفا حشا .. مياسه وخصر مشتد
روقين اللي تعكر مزاجه
 
فلجا ثغر .. عكفا هدب .. راهيه خد
مخلوق كامل مانقص فيك حاجه
 
حور هدبها فتنه وملعنة جد
لا صار باين بالجفون انحراجه
 
ماتشبه الا الورد .. الا وش الورد ؟!
الا كما نور الفجر وانبلاجه
 
واليا انتهى كل الحكي وجات للجد !
انتي مُنى كل القصايد وتاجه !!