الأدمي لازم يجيله عواكيس
ماكل مايبغاه جاء بالسهوله
وان كان مايأخذ حياته بتقييس
ماينفعه لونه وعرضه وطوله
تلعبه الايام لعب المراويس
ويضيع منهاجه ويخطي وصوله
واليا انتكس حضه ودهوا تنكيس
يقول حضي والزمن ذا فعوله
يضحك على نفسه ويلعبه ابليس
مايدري انه هو سبب ماينوله
ولا صار مايبني جداره بتأسيس
ياسرع ماينهد مادار حوله
وان عز ساسه ما أخلفته النسانيس
يرفع جداره لين محد (ن) يطوله
لاشك يالي مشغلتك الهواجيس
تروم العلا والمرجله والرجوله
اعزم ترى فالعزم للرجل تنفيس
يوصلك غاياتك وتوصل ذلوله
وانصحك لاتسمع لرأي المناحيس
الي نواياهم عكس ماتقوله
الي تلمس لك من الهرج تلميس
الهرج طيب والقلوب معلوله
تباك مفلس مثل ماهم مفاليس
تحسدك لاشافوك عندك سيوله
والي ضرى بالهكهكه والمجاليس
يطيح راسه لين يصفق رجوله
وقت (ن) مدرسني على الكيف تدريس
والقلب من جور الزمن طق جوله
صلاة ربي عد ضوح المقابيس
واعداد صرف النقد على رسوله
اخوكم حمود بن عايض الملق المرزوقي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.