كسر القلوب - غموض التميمي

يوم لك قدرة على كسر القلوب
ليش قلبي جاز لك و بتكسرة
النهاية ابتدت قبل الغروب
والغروب اللي بدا من آخرة
مادريت انك بها لدنيا لعوب
لين جتني منك صدمة معسره
خنت احساسي وزودت الكروب
والغلا اللي في فؤادي تنحره
ياقوي الباس انا صدري رحوب
استطيع اقوى فؤادي واجبره
اجبره ينسى وعن الزلة يتوب
اقهره عادي بكيفي اقهره
لاتفكر بانتظر عطفك واذوب
لين ترجع لي بكلمة معطره
لو تجيه بكل لغات الشعوب
بعثر اللي لي بقلبك بعثره
يوم لك قدرة على كسر القلوب
انكسر قلبي ولا ابي تجبره
© 2024 - موقع الشعر