الصفر الكبير قوي - حمدي كوكب

زي الفار وراه القط
الصفر ورانا ورانا
دية عدوى
وماشية معانا
حتى ف بيتنا
كانت ندوة
عشاني أنا
لما جارتنا
بتها نجحت
وزفوا وفرحوا
وشربات شربوا
وعملوا الحانة
وأمي قالت لي:
البت دي فلحت
وأنت يابني
جايب لي العار
لكني أنا
هياني أنا
الصفر بيجري ورايا
أنا أجري
أهرب منه
شرق وغرب
قبلي وبحري
لكنه مستقصدني أنا
ولما سمعنا
إنه الصفر
خدتهو بلدنا
رجعت لبيتنا
وقلت اشمعنا
اشمعنا فرحتوا فيّ أنا
آدي الصفر
شوفوا أومال
صرفوا عليه كام مليار
فلما أجيب الصفر لوحدي
يبقى أنا واحد م الشطار
© 2024 - موقع الشعر