أبو التمساح : مرشح رئيس وزراء - حمدي كوكب

أبو التمساح
مرشح رئيس وزراء
 
شكِل حكومتك
وعلى مهلك
وبراحتك
واختار من بلدنا
اللي ترتاح له ويرتاح لك
اختار اللي يناسبك
عشان لا تحاسبه ولا يحاسبك
شكِل حكومتك
حط براحتك
اختار اللي يسمع لك
ويجاوبك
ويخاف
على زعلك وغلاوتك
شكل حكومتك
يا أبو التمساح شكل
إياك تحتار
شكل حكومتك
عشان ترتاح
أي نظام
جوه إصلاح
إجري عليه
دايمًا واختار
عايزينك طبعاً
عايزين
أي وزير تختاره زين
بس يخفف عنا الأسعار
طبعاً عايزينك ريس وزره
كفاية بقى من الفاسدين والفجره
طبعا عايزينك تزرع كل الأرض فى يوم
ورد وفجل وكرات توم
تزرع كده على جنب الشارع
زهر وفل ورد ألوان
وف كل حديقة
شجر بثمار
وإن عارضك واحد قل دا هزار
وسع صدرك للمقهور
أوعى تخلى الشعب
علينا يثور
شكل حكومتك واصحى لشعبك
ممكن يوم بالثورة يلاعبك
شكل حكومتك ريح حالك
دا منصب خطير
والناس صاحيالك
© 2024 - موقع الشعر