سحابة الشوق

سحابة الشوق هلت وامطرت ديمه
وتناغمت لهفة المعشوق في ماها

الود للروح مثل الماء من غيمه
يعني هطوله يزين الارض ورباها

وانا /تخيلت/ نوٍٍ/ حلو ترنيمه
عساه مايخطي الجدباء ولاحماها

اما انت ياصاحبي ياغالي القيمه
روحك تشابه جمال الغيم في سماها

اشبهك/ بالقمر /وجمال تعظيمه
كل الخلائق تعجب فيك من فاها

تهل بالعشق حيل وعارف انسيمه
يعني مجرب طيوف العشق ولضاها

ياما /وياما/ تجرعته.. رغم ضيمه
وحسَيت في لهفة المشتاق وهواها

تغير/ الحال/ ياقلبي.... ويا ريمه
لين اصبح الحب للاحباب فرقاها

العشق في هالزمن يشبه كما الخيمه
في طرف لحظه تشيل عمود وانساها

عادة (احبك)تجارة (كيف) وغنيمه
يعني معى الخيل لاتبحر بمعناها

الا انت ياصاحبي حبك لنا ديمه
الله يديم السحب / ويزيد في ماها