سحابة عشق هزت ثلاثيني - النايفه

قمر ..والا مطر يفتح درايش لآخر الغيّاب
صرير ابواب تستقبل فرح غارق باحزانه

غناوي شوق ممهوره بحنين ووردة بكتاب
تهزهزني بثلاثيني ويفز عصفور باغصانه

سحابة عشق ظللني شعرها برفرفة احباب
تمشطني باصابعها واضيع بليل يا دانه

هلا باول سفر يسرق عيوني من حكاياالباب
غزل لاجلي خيوط الشمس ضعت بريش جنحانه

هلا بمرايتي لا سالت الكحله بليل عتاب
وتماوج بي شراع الحب ابيع الكل على شانه

اذوب بضحكته وابكي اذا فز الخفوق وغاب
واصير بدرب خطواته اريج بقلب ريحانه

احبه حب لبسني المدى حجل وسهر وحجاب
وخلاني سجين يذوب في نظرات سجانه

رسم لي بنظرته ضحكة بَخَتْري والهوى غلاب
واخذني صوب عرس الشمس يرمح بي على حصانه

اهو عشب ندي بيت اجودي بابه هلا وترحاب
وانا ف عيونه اسهر ليل وعيوني هي اوطانه

© 2024 - موقع الشعر