خاين وأحبك على كثر الجفى وأهواك
تِملح جروحي بغدْر العاشق لبيته
اصيح لك : خذ بقايا ضحكتي بخطاك
وأمسح دموعي بسوالف طيف حبيته
امس انتظرتك سحايب شوق قلت اقراك
عشقٍ طفولي .. بعشب الروح غطيته
لا .. ما هقيتك سرابٍ تمسحك رؤياك
لو كان بيدي ألم اللال لميته
افرش لك الهِدب ورد وتنتفض اشواك
اعطيتني بعض صبح ورحت منيته
يا خاين العشب ما تنفع بقايا ماك
قطعت كفٍ لك بتحنان مديته
ما كنت أظنك تغير يا نهر مجراك
وانا الذي بقلبك المجداف قطيته
كنت أحسب الحب مُهْر مشرقة مرعاك
واثريك خدعة غروب وبسمةٍ ميته
كنت أحسب انك تشيل الحمل جيت انخاك
لكنك اقفيت والهجران خاويته
خلّيتني حزن عصفورٍ على شباك
يبغاك ترحم ضياعه رحت ذكيته
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.