يقول ابن نشار والقول كايد

لـ طلال بن نشار، ، في غير مُحدد، آخر تحديث

يقول ابن نشار والقول كايد - طلال بن نشار

يقول ابن نشار والقول كايد
بعد تذكر فعل ذربين الايمان

اللى بنو للمجد صرح وفرايد
روس العرب ماهم شواوي ورعيان

رجالهم بالحرب يكفى بدايد
وعدوهم يموت ذل وحقران

بعض العرب مخلوق للناس قايد
والبعض يصلح مع صلابات عربان

يوم العزاوي ياخذون الشرايد
يخلون مرحان ويملون مرحان

هذال بن نشار سطر جدايد
(حنا ذبحنا الخيل زينات الارسان )

يوم أعتلاج الخيل وقت الشدايد
بديار حمران النواظر والاكوان

وضاوي على السعدون للمجد زايد
ثبت أمارتهم وخلالها شان

وأف الخصائل مثل قصف الرعايد
وعقيل اللى حط في نجد برهان

ثم بعدهم جونا وساع البنايد
هذال مع صالح وفائح وفيحان

ماكر حرار يعطبون الطرايد
لاصار قدم وجيهها ريح دخان

ويوم أختلاف الوقت جتنا الردايد !
كل على ماقيل سمى بليهان

© 2024 - موقع الشعر