هيبة الطود..

قام ايتطاول وارسل بصوته رعود
يحسب مع الضجّه يزيد انتباهي

دام الرعد ماينتقص هيبة الطود
لاتلومني لازاد فيني التباهي

حرّه اصيلة عِرق والفخر بي زود
دين وادب والطيب ف القلب راهي

مالي بقولن انثره دون مردود
اما احق حقوق وانهي النواهي

او احفظ الكلمه الذي ريحها عود
ماتنحدر لاقوال طفل الملاهي

التاج هو لبس العروسه ومحدود
في كم ساعه بعدها الملك واهي

لكن انا تاجي من اباء وجدود
موروث عزٍ وسط السلوم زاهي

اسهر اعزز بنية العزم والجود
يسهر غريمي بالمكاتيب لاهي

واللي جرى دم الحيا وسط الاخدود
مابيع قدري لو بلتني دواهي

اما اعيش ابفخر والصيت محمود
والاعسى وسط الثرى ينام جاهي