اوقعتني في غرامك يارقيق الشعور

لـ طلال محسن، ، في غير مُحدد، آخر تحديث

اوقعتني في غرامك يارقيق الشعور - طلال محسن

اوقعتني في غرامك يارقيق الشعور
وشلون او كيف مدري لكن اوقعتني

الله عطاك الكمال ولا خلق بك قصور
وانت من فوق هذا فيك ولعتني

جيت كلي وكلي في هواك مأسور
انا اشهد اني ضعت فيك وفيك ضيعتني

يامن بعيني حضورك مايشابه حضور
اسقيت عيني بشوفك بس ما أشبعتني

تنحدر لك دموعي باللقا من سرور
وتنحدر لا ذكرتك يوم ودعتني

بين احبك واحبك بات قلبي امحصور
ولا اعتني بشي غيرك بس بك معتني

اسمك على جدار قلبي من زمان امحفور
كم قلت لك لا تروح وليت لو طعتني

على العموم المشاعر في غيابك تثور
ان جيت اسعدتني وان غبت اوجعتني

لخصت لك مابصدري يالحبيب بسطور
وبينت قصه شتاتي وكيف جمعتني

ياعطر الانفاس ياريح النفل والبخور
الله يجازيك كانك بعد هذا بعتني

© 2024 - موقع الشعر