لو وريدي مع وريدك تنقطع وتكب ماها
والله اني مالتفت لك او ابي ارمش بنظره
انت وشو انت اول عاد دوني وش مداها
خلك بوضع ن عرفتك فيه يا تفهه وصغره
انت قبلي صفر ضايع روحك اتخالط خواها
شوف وش بعدي ضياعك اه ياكبره وخسره
انا والله ما اطالع للاراضين و ثراها
شوفي بس ايلد فوق لمن علا عرشه وقدره
لا تحسب اني ابحسب حسبتك ما اسود عماها
انت مثلك مثل نمله وجحرت من تحت صخره
لا تحرك بي سكون ولا التفت في مبتغاها
ضعفها اعماني عنها ولو ابحرقها بجمره
انت مثلك مثل كابوس ن واحلام ن تباها
واخر الحلم الضياع وتفلت ن يمنى ويسره
تحسبني شلت همك يالاساطير وعماها
ذاك قال وذاك قال وكلها سكره بسكره
يا حسافة كل لحظه وكل لحظه وش بلاها
يومها ترمش لواحد واجبه فارِق وزفره
وش بها قامت تخور و وش بها قامت تناها
غيها ما صار قبل وكسٌرت معناي كسره
لاكن اني بنت شيخ ن اتعالى واتباها
وكل من هو قال جيتك جاه حقرانن ونظره
انا منوه بنت ذاك الشيخ ما تاصل مداها
لو ضحكت بوجهك اجامل ترا ماهيب عبره
انا ذيك المهرة اللي ماتطالع في قفاها
كل من شاف الخيال يتوه ويرجع فيه حسره
لا هو انت ولا هو غيرك يقدر يباري معاها
والله انه ما يجيكم الا غبره بعد غبره
انسى ذاك الوقت واحلامه وذكرى منتهاها
يوم قلت اني نسيتك كسرك و عليك جبره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.