الرجل لامنه كذب واخلف القول

لـ خليل بن هدلان، ، في غير مصنف، 4،719، آخر تحديث

الرجل لامنه كذب واخلف القول - خليل بن هدلان

الرجل لامنه كذب واخلف القول
ما عاد له عند الرياجيل قيمه

والصدق نور وصاحبه دوم مقبول
في العصر هذا والعصور القديمه

ولا ينوخذ هرجٍ على غير مدلول
من يدعي به ما يذب الخريمه

والمجلس اللي يجمع العور والحول
ما منه عز وبعده اكبر غنيمه

واليا عزمني صاحبه قلت مشغول
ونحرت لي فجٍ يذعذع نسيمه

ابعد مجالي عن عزيمته واقول
لا خير بالعازم ولا بالعزيمه

والله ما اهين النفس لو عشت معزول
والهون ما تقبله نفسٍ حشيمه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر