عيال الشهيد

لـ صالح عبدالملك الثبيتي، ، في غير مُحدد، آخر تحديث

عيال الشهيد - صالح عبدالملك الثبيتي

وقف لصرخة يتاما من عيال الشهيد
ونياح ثكلى رجلها غاب عن بيتها 

بيت كسيته حزن من عقب ظلا سعيد
عيون عقب الفرح بالدمع رويتها 

وام ارفعت كفها والدمع جزر ومديد
تناجي الله عليك الله لو اوحيتها 

ايتمت بكرة القريب واعميت بكرة البعيد
عقب الرضا للعوز والناس حديتها 

دعوى لسابع سما محمولة من الصعيد
صبر عليها ونصر من طواغيتها 

وطفل على لبس ابوه انهد وزاد النهيد
يحضن بقايا الابوة بعد مانهيتها

دور جواب لطفلة تبحث عن الفقيد
متحضنة صورة ليتك تهجيتها 

ماتذكره رجل يوم انت طفل وديد
عشت فذرا الله وروحك فيه ذريتها 

من دون عرضك ودارك عاش باسه شديد
وعليك رحمة سهر عينك اغفيتها 

هو خالك وعمك او هو منك جد وحفيد
يامن عيونك بعنوه اعميتها

لاخر حدث انت عن دارك ذليل شريد
عرضك ودارك سترها عقب خليتها 

ودك بمارينز وامن يشرعه جون زيد
وجروحنا من الزمن ياليتها ليتها 

 فالقدس والرافدين وزدت جرح جديد
فينا مآسي تبيد الارض وتميتها 

اعراض توطا دم في غصون الجريد
وجموع كلت وملت من توابيتها 

واجساد متناثرة بين الحصى والحديد
ينعق عليها غراب البين ويقيتها

دامك سلايل بن الجراح وابن الوليد
القدس والبيت الاقصى كان لبيتها 

لوفيك الاسلام قطرة دم ناش الوريد
ماكان حرمة عباد الله احليتها

وقف ترى الصمت طال ودوك بيت القصيد
اقهر ركابك بعد للموت ضويتها 

وقف لعن من يقول انك شهيد رشيد
اقطع يميني لو الفردوس مريتها 

قتلت نفس ونفسك لو ثمنها زهيد
وخالفت سنة رسول الله وعاديتها 

لابوك لامك إذا ادركوا ماتريد
تسترو عن نوايا فيك صريتها

الدم والدمع والصرخة توقد وقيد
لعنة ونار عليهم وانت شبيتها 

صرخة شمال وصداها في سريا عبيد
وسواحل شرق غرب تجيك ماجيتها 

امواج تهدر تهيج ولاتكال وتهيد
تمحاك تغسل ثرا بخطاك ذليتها 

قلب على قلب كف بكف وايد على ايد
اسرة وطن ماخلق من راد تشتيتها 

جينا قوافل وطن عن بيدنا نبيد بيد
من عقب كفك بدم الحق دميتها 

لبيك قلب الوطن نايف ورايك سديد
دونك جنبك سيوف الحق سليتها 

لبيك سوق المانيا ان زاد سعرك نزيد
والروح دون الثرى والثار هديتها 

ان مات راسي شهيد ان عاش سيد وسيد
يمناي بالحق ما بالظلم مديتها 

لاهنت بيرق وطن لا هنت طفل الشهيد
الك العزا والعزا النا كف ضميتها 

ترفع علم هامته ما نكست للصعيد
يوم الدول نكس الرحمن راياتها 

 يالله وبالله وبسم الله وصبح جديد
ودوله على الحق يبقى عالياً صيتها 

                         
    الشاعر : صالح عبدالملك الثبيتي *

© 2024 - موقع الشعر