في حفل الأستاذ مشاري العتيبي

لـ رائد العالي، ، في المدح والافتخار، 764، آخر تحديث

في حفل الأستاذ مشاري العتيبي - رائد العالي

ياهاجسي ماعن مواجيب الرياجيل اعتذار
هات البيوت اللي تجملني ليا عديتها

اليا دعاني صاحبي ماهمني بعد الديار
لو البحر بيني وبينه دعوته لبيتها

في محفل مشاري لفيت اللي له الجزله شعار
رجلٍ لو اعدد مزايا صحبته مااحصيتها

سلام تكميل ووفا سلام تقدير ووقار
ردية توفي مطالبها ليا رديتها

مبروك ماسويت يانسل القرانيس الحرار
في ليلةٍ فيها مشاعر فرحتك وفيتها

اللي زرع له طيب لو طال الزمن يجني ثمار
وانته جنيت الطيب وسلوم الرجال احييتها

هذي مشاعر شاعرٍ صاغ القصيده باختصار
والي الشرف لاقمت قدام الحضورالقيتها

وصلاة ربي عد مابالوقت من ليل ونهار
على رسول ٍقوّم السنه وشيّد بيتها

© 2024 - موقع الشعر