حساب التجافي

ياصاحبي قفل حساب التجافي
وافتح حساب الوصل في بنك الاحباب

انا حبيبك فالسنين العجافي
قدام لاتفتح لك ايامك الباب

كم قلتلك عثرة زمان وعوافي
بكره حجاج الوقت يضحك مع الناب

 ومن قام حظك وانت ابو حظ غافي
خليتني من دون ماتذكر اسباب.

نجمك صناعي لو لمع وقت (طافي)
يامبدل الاصحاب تبديلة ثياب

 العمر يسبقني وماضاع كافي
والقلب عقب اللي جرى بالهوى تاب.  

ماعاد اعاين يم سهم المصافي
ولاعاد الد العين في سهم ينساب

 سوق الهواويه تركته خلافي
يقطع شجرة الداب والجحر والداب

. واوزان شعري كلها والقوافي
شابت بعد راسي من اهل الهوى شاب

 خل الغلا يسري تحت بشت ضافي
 ماعاد باقي له مشاريه وعتاب

لاصار طبعك بالاصل منت وافي
وشوّ له اعطي للبشر حجة غياب

 تسفي على شوق العروق السوافي
وبنك (البلاد) ابرك ملايين من (ساب)