غريب السجـــــــــــايا

غريب السجايا
خلاص لاتتعب ولأني بتعبان
ارتح وريح ياغريب السجايا
لاتحسبن القلب عاشق وطربان
هذاك عشق راح ولاله بقايا
مريت به وقلبي للمواليف عطشان
ومشيت في دروب العطش والظمايا
عمري قضيته بين عاشق ولهان
ونهاية المشوار جرح ولظايا
تلعب بنا لعب الفرس وسط ميدان
كأنك على روحي أخذت الوصايا
لاوحسافة عمر ضايع وشقيان
راحت زهوره والفروع البقايا
راعي الهوى دايم مريض وشقيان
يتبع سراب عاش وسط الحنايا