الدواسر - حماد المطرفي

الشريف الحارثي..سيّر وليله ساري
عند ناس ٍ عازمينه... للعشا والدله

حارثياً من هل الخرمه..ومعه مطاري
والمطيري .. ف. الحقيقه .. من بني عبد الّه

ضمهم مجلس رجال وليلهم سمّاري
مجلساً ما تستمع فيه الخلل والزله

يذكرون الشعر .. في موجزهم الأخباري
والسوالف والقصيد اللي يداوي العله

جات سالفة الشريف.. وجا لفايز طاري
في قصيدة مدح جاته في حدود الحله

والثمن فيها جمل .. من كل عيب ٍباري
من خيار الجيش شكر وقدر فيما قله

عقبها قال المطيري..والله أني داري
لوسمع حمّاد .. يظهر من حلاله كله

والخبر جا ني وقلت ... ونعم بابو مشاري
قدره اللي قيل لي محد ٍ يبا يوصل له

مير والله ..ل ..امدحه حتى تجيه أخباري
وأمد ح ربوعه وأنا مدحي لهم مدح ٍ له

الدواسر قدرهم مرفوع فوق الساري
فزعة المضيوم .. نصر الدين .. وأهل المله

بالسيوف.. وبالرماح.. وبالسلاح الناري
صف لا قالوا على عدوانهم بسم الله

يوم للكون أعتكار .. وصايح ٍ.. ومثاري
با لفعا يل يعقدون العقده المنحله

في طلبهم كم سروا من ليلةٍ غدّاري
وكم نهار ٍ ثوّروا ملح ٍ يظلل ظله

ياهل الوادي العظيم اللي قراه القاري
ف.. ا لتراجم .. والمعاجم .. والظفر رمزاً له

للمكارم في نواحيه .. أتجاه أجباري
والشجا عه في رجال ٍ ما تعرْف الذله

والنخيل الباسقات اللي عليها القاري
والقني الحمر وعروق النخل مبتله

يارصيدي في قصيدي ... والحساب الجاري
والله أني من حلالك ماطمعت بهلّه

دامت أنك للمكارم والمراجل شاري
والله ...أنّا ما نبيعك با لخنا والزله

© 2024 - موقع الشعر