غرور القصيد

استنزف حروف الهجاء لين انظم ابيات القصيد
كل بيت ابلا شعور امن القصيد اسحب عليه

لين ما صدق الشعور ايطاوع الفكر العنيد
ثم اظمن في حروفه من معاني ما اشتهيه

انثويه في شعوري بس بيتي من حديد
كل شاعر لو يجاري في حدوده ما يجيه

كيف وانَا لي فؤاد ن لاهبيل ولا بليد
لا نظم ينظم عدال ولا يشط ولا يتيه

ما يكودني جزيل القاف والضلع البعيد
اصله ضلع الطويله وارتقي لين ابتديه

لو يقولو بي غرور اقول مغروره وازيد
لين ما قلب الحسود يشب من نار تغليه

من طناخة راينا ثلَب المعاني والهديد
تلقح ابيات القوافي لين تاصل مبتغيه

اقبله نقد الحكيم اليا نقدني واستفيد
وكل معنى يتبعه منقود ناقد مانبيه

راس فكري لااستفاق بهاجس المعنى شديد
به خفوق امن الخفوق يحركه هاجس نبيه