كل مسلم بيك بيفرح*****لما تيجى كل عام
 مانت ليك فى القلب مطرح*****للهداية والسلام
 فيك هداية وفيك محبة*****فيك يتوب كل العصاة
 فيك تجمع للاحبة*****فيك بيرجع اللى تاة
 فيك نزل اعظم كلام *****على ربة اصطفاة
 ليلة فيك بلعمر كلة *****فيها يتقبل الدعاء
 ومن فضيلك فية كتير *****بس لو يصحى الضمير
 كل واحد فينا يخلص *****الغنى يدى الفقير
 فيك عبادة وخير زيادة *****بس فيك حبة حاجات
 الف عادة دول زيادة *****واحنا لية نرضى السكات
 دينا يسر مافيهش عسر *****قول لكل الامهات
 عشرة لحم وعشرة لبس *****وعشرة كحك ومصروفات
 والحقيقةانك برىء *****من حاجات غير العبادة
 والحقيقة مين يطيق *****كل يوم طالبين زيادة
 نفسى اشوفك بكرة راجع *****واحنا فهمينك بجد
 نفسى تبقى للعبادة *****فيك نصد الظلم صد
 فيك نصد الظلم صد
 كل عام وانتوم بالف الف خير
 كلمات جمعة سعيد

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين