رد سي مول

لـ عبدالرحمن المالكي، ، في غير مُحدد، آخر تحديث

رد سي مول - عبدالرحمن المالكي

البارحه مريت سوق "الرد سي
كاشخ مرسّم راكباً في جمسي

دخلت مستعجل ونفسي آكل
خطوه تقدمني وخطوه "عكسي

رحت المطاعم وكل همي لقمه
تطفي لضى جوعي وترضي نفسي

المشكله زحمه .. وهيصه .. بيصه
جالس أدوّر فالزوايا كرسي

جلست آكل ما احس العالم
ما غير ضرسي فاللقم منغرسي

"فجأه" .. تناديني .. هلا بالشاعر
مدري حقيقه أو مخرّف حدسي

قمت ألتفت للطاوله من جنبي
وإلا " القمر " ياكل .. ويشرب ببسي

لبا العيون إللي خلقها ربي
الصوت ناعم .. لا وربي همسي

قالت تفضل يالغلا شاركني
مو قادره آكل بقية شبسي

اقسم بربي .. جد أنا مستغرب
وشلون عرفتني وعرفت لبسي

سألتها .. وش عرّفك بالشاعر
قالت قصيدك فالمشاعر يمسي

كانت تسولف .. وكنت فاتح فمي
بس حذرتني "لاتحاول" لمسي

قامت تحاسب وليتها ما قامت
كني أحس بوسط قلبي رفسي

الخصر ضيق وردفها يا ساتر
والصدر واقف ما حصلّه نكسي

كل البنات إللي احظروا بالمطعم
صاروا كواكب والبنيه شمسي

كتبت رقمي مرتبك .. متهوّر
عطيتها بيدي وقالت "مرسي

فجأه أحس بضربةً ما ترحم
من يد والدها بوجهي " ترسي

حطّيت رجلي قاصد البوابه
نسيت جمسي صرت أدوّر تكسي

صحيت متألم .. وانا بالغرفه
ماهو أبوها .. لا هذا "ضرسي

ورغم إن هذا حلم ماهو واقع
لا عادها الله ساعتك يالرد سي ..!!!

© 2024 - موقع الشعر