ليه ياريم

امس ياريم حلمي شفتهم يسرقونه
والامل والسعاده شفتهم في جهرها

وانصدم فيك ذاتي يوم خابت ظنونه
وليت مافات ماتي واندرج مع شهرها

بعد ماكنت عاشق جن فينا جنونه
طل حبه علينا مثل طلت قمرها

علم الحب قلبي في مدارس عيونه
علم الروح تهوى بالمحبه غمرها

بدد الوقت حبك والوله والميونه
بين روحي وروحك بعدك الي دمرها

شدت اركاب ودك والطباع الحنونه
وارسلت مع صدودك للمشاعر سفرها

ليه ياريم قلبي بالجفا تعذبونه
وليه ياريم روحي أنت شاهد خطرها

مارحمت المكبل في زنازن سجونه
تشتكي به خواطر من محباً كسرها