اشوف بعض الناس بالكذب دكتور
واسلوب متناقض من اعظم صفاته
عجزت من فهمه وحنا لنا ادهور
متكاشفين السر وحضني عباته
شكاك ومنافق وانا اقول معذور
مريض نفسي ماتهنى بحياته
عايش على وجهين والهرج بالزور
باني على كذبه جميع امنياته
مايدري ان الكذب لو طال مستور
لابد له يومٍ يبين خفاته
يلي على الحبلين تلعب ومخبور
لعبك على الحبلين عندي دواته
خلك على لعبك وانا كاشف الدور
ماني بجاهل شخص عارف سواته
ولاني على شرواك والله مجبور
الطيب في مثلك على الله جزاته
بالعين شفتك خاين العهد والشور
واللي على ممشاك واضح خزاته
عساك تفهم مانكتب بين الاسطور
ويقوم قلبك عقب طَوّل سباته

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر