قبل أعرفــــك ماحســبت ذيــــك وذيه - ذياب مطلع بن نائض

قبل أعرفك ماحسبت ذيك وذيه
بس أطالع با البني وأضحك وأنا متعدي
لين جيت وصار لك في خافقي ماريه
قلت ياعجاف السنين الماضيه لي ردي
ياالسنين الماضيه عودي معي بنيه
وألا انا اعرفك والله يا سنيني ضدي
فيك أبجمع شتات العمر من ماضيه
يوم شفت الموت يمشي بالجمال الوردي
الجمر والثلج وشعله وروج أشفيه
شفتها متجمعه ملكه وبيح سدي
وقلت أقلط بالخفوق وقالي جبريه
ذي سلوم أهل الهوى والأ انت منته قدي
وقلت في سلم الهوى بس أفهمي يابنيه
قالت أسكت قلت الآوأحظي المتردي
وقمت أجادلها ولدت عينها الحوريه
وأبتلشت بعينها وأزريت أكمل ردي
لا رحم حي الغرام ومبتداه وغيه
قلت صدي نعنبو نظرت عيونك صدي
والتوى جيده وهلت غيمتن وسميه
نعنبو سود الجدايل وأعتزيت بجدي
وأضحكت نجل العيون بضحكتن سحريه
وقامت تجيب الهجوس بخافقي وتودي
وضاعت علومي وقمت أصفق كفوف إيديه
وثارت جنوني وقالت ياجنونه هدي
وقفت من غفوت لقاها والزمن عصريه
وكل ما مرت جميله قلت بالله عدي
الشا عر" ذياب بن مطلع بن نائض المخلفي الحربي
© 2024 - موقع الشعر