يصيب ساهر بتشويش

ودك الا منك نويت المطاريش
وحطيت في بالك ديار(ن) بعيده

تركب على موتر كما خافق الريش
وتدق سلفه وإطاراته جديده

ولامن وقف عند النقط والتفاتيش
قالو تفضل جعل دروبك سعيده

من سرعته يصيب ساهر بتشويش
ماحلى حديده يوم يبرق حديده

جيب (ن) جديد (ن )ماشروه الدراويش
رقمه مميز والمزايا فريده

وزرته ماتنضغط غير. بشويش
تفتح زجاجه من جهات (ن)عديده

مراتبه جلد (ن) ملبس له بريش
ركيدت (ن) ماشفت مثله ركيده

مايقتنيه اللي يعيش ..أبخاشيش
ولاهو هدية عبد من عند سيده

حر(ن )رقا من فوق كل الخفافيش اللي تربى ف الحياه الزهيده