ما قلتلك يا غشيم الحب تب ترجع
ماقلتلك صعب تتركني وتنساني
راهنت نفسي على انك لازمن تخضع
وكم كنت واثق بأني اكسب رهاني
عشان اذا قلتلك اي شي بس تسمع
وتصيرلي ضد نفسك اخلص اعواني
ماهو بكيفك تدش القلب ثم تطلع
لا ياحبيبي تركد لا تحداني
مدام كبرت براسي مستحيل اقنع
مادمت اهواك يعني غصب تهواني
ادخل بتاريخي ومن بابه الاوسع
فرصتك هذي قبل لا يسبقك ثاني
ماتدري الشرع حلل للرجل اربع
وانا اذكر العود في هالأمر وصاني
قال اقتنص من دقايق وقتك الامتع
وصارت بكيفي مدامي اكبر خواني
طاوع حبيبك وصير بمستوى ارفع
وحذر ترى الهجر كلمه بطرف الساني
يابو عيونن حلاها يومها تدمع
اصلاً عيونك بدون ادموع تنخاني
من منظرك وأنت تبكي كيف انا أشبع
ومالي بها ذنب أنت الجرم والجاني
واذا نويت ارحمك أتذكر المطلع
ماقتلك صعب تتركني وتنساني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.