أليك الملتجا ياذالجلالي
أليك الملتجا في كل حالي
فمنك الامر والك الامر كله
بتحديد المصير اول وتالي
بيدك الملك والناس اجمعينا
وتفعل ماتشاء ياذو الجلالي
الهي ياالهي ياالهي
عليك انت اعتمادي واتكالي
اسالك يامجيب اللي يسالك
تحقق لي مرادي من سؤالي
جوابه مايكيدك ياالهي
ولايخفا عليك اللي طرالي
الا يالله يامجري الذواري
ومسق الارض من وبل الخيالي
تلين قلب قبلان الشراي
وتعتق نفس بدهان الرمالي
سجينٍ من ورى الابواب ينخا
رماه ابليس في درب الظلالي
وندم كل الندم بعد اقترافه
بذنبٍ ترتجف منه الجبالي
ولكن رحمتك على عبادك
تكف الشمس وتمد الظلالي
واملنا فيك ثم باللي جعلته
يصير الحق اله ولايبالي
وباناشدك بالله يالشراري
تسامح والمسامح راس مالي
ترى الرحمه من الله وانته ارحم
برحمة من جعلك تصير والي
بجاه الله ثم جاه المبدا
على كل العرب عالي وغالي
بجاه اللي امر بالصلح واصلح
وسمح عن من نوى بالاغتيالي
ملكنا اللي يشرفنا مجاله
الى جا للدول فخر ومجالي
نختك المملكه باسمه واهلها
عبر شتى السبل والاتصالي
ونخاك العلم واصحاب الفضيله
وجولك من جنوب ومن شمالي
ونخوك الابرياء والشايب اللي
على المعكاز مافيه احتمالي
ولوان ابنك المقتول قاتل
تخيل حاجتك عند الرجالي
ولاتعلم لو انك مت قبله
او تبقى بعد موته كم ليالي
قبلك الله ياقبلان تقبل
ثواب الاخره يابن الحلالي
ترى الدنيا تزول وماعليها
وكل الخلق قافيها الزوالي
ولازال الامل بالله باقي
وبعده فيك املنا لايزالي
وفي وقفتك ياحسين اللحاوي
وفي ربعك كريمين السبالي
هذي نخوه بعثها الك العتيبي
وبعث معها العمامه والعقالي
وخذ مني سويّه يالشراري
ولو مطلبك واحد من عيالي
لتمم لك طلبك اللي طلبته
بعد مااوحيت مافيها جدالي
وصلى الله على محمد رسوله
ولله البقاء واله الكمالي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.