غرام احباب

لـ حامد زيد، ، في غير مُحدد

غرام احباب - حامد زيد

على ذاك الطريق اللي يسمونه غرام احباب
وطت رجلي على دربه ولا ادري وش نوى فيني

تبعته لآخر دروبه الين ان القمر قد غاب
تعب قلبي ولاتعبت مسافات(ن)اتوديني

لقيت الليه الجرده هدب وظل وسمى واعشاب
بعد ذاك الظلام اللي يتوهني عناويني

صدفتج معجبه فيني وياليت الغرام اعجاب
وتراج انتي الهنوف اللي هقيتج تستحقيني

عطيتج عشق من قلبي وسلم لغلاج ارقاب
وغيرج يحترق قلبه ولايقدر يحاجيني

انا قبلج صدفت عيون لاكن ويش جاب للجاب
ترى كل العيون اللي لقتني ماتكفيني

رماني حظي العاثر عليج وجيت لج طلاب
ولا انتي اللي عشقتيني ولا انتي اللي عتقتيني

تعالي وارحمي ذاك الخفوق المولع المرتاب
مهو بلاجلي!عشان الله يجازيج ويجازيني

تعدي في سما عشقي ولو عشقي خراب اصحاب
وصوني بالهوى نفسج قبل لا انتي تصونيني

وشيليني على متنج خفوق(ن)باري(ن)منصاب
ومن فوق الغرام العذب شيليني وحطيني

ولامنج هقيتيني شجاع ومايطيقي ايهاب
انا لج بالهوى والله مثل ماانتي هقيتيني

انا مامشي ورى غيرج ولو انه يطق الباب
وترى عيب(ن)علي اطعن ولو كثرت سكاكيني

زهود(ن)مايطيق الدم لا داين ولا طلاب
شجاع وعارف(ن)نفسي واضن انج تعرفيني

غيور(ن)ماعرفت اضحك مع الغدر ببرود اعصاب
ابيع عيوني الثنتين قبل انج تخونيني

واذا اشتد الغرام احط قلبي بين ناب وناب
الفرقى تكسر ضلوعي ولا عشق(ن)يوطيني

انا رجل(ن)ولي غيره واذا شفت الهوى كذاب
تثور بقلبي الفزعه ولاتهدى شياطيني

سؤالج لو يزعزع كياني ماقبلت عتاب
بجيلج واسألج نفس السؤال اللي سألتيني

عن العشق القديم ابواب ودق فيها كثير ابواب
بعد ذاك الحبيب اللي خدعني وانخدع فيني

ابي عشق اتحسبله كل نظرات العيون حساب
وابي قلب(ن)على قلبي وابي دين(ن)على ديني

وابي كلمة عهد توفي ولاتخلف بدون اسباب
وابي منج قبل لا انتي تصديني توديني

وابي درب(ن)على العذال صعب ومتعب وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون اهداب
حشى ماتنزل الدمعه لغيرج لو تركتيني

انا اول من عرف قدرج وانا توني صغير زشاب
وابي منج مدام انج عرفتيني اتحبيني

مدام اني لقيتج في طريق اسمه غرام احباب
دخيل الله وبعد الله دخيلج لاتخليني

مدام كل من يحيى على وجه التراب تراب
وعسى تنساني الدنيا مدام انتي ذكرتيني

تمت الإضافة بواسطة : فهد الخرجي
© 2023 - موقع الشعر