مقدر على فرقاك كانك تقدرين

لـ طلال محسن، ، في غير مُحدد، آخر تحديث

مقدر على فرقاك كانك تقدرين - طلال محسن

مقدر على فرقاك كانك تقدرين
وامفارق الغالين ماهي هيّنه

اشغلت بالي في تجين ..! او ماتجين
واوقات مرّت بي ولا لك بيّنه

مبعدْك ظرفك ..! مدري انتي تبعدين
بس الوكاد الخير ماني معيّنه

هذا انا من البعد شوفيني حزين
رغم .. ان اغصان قلبي ليّنه

اسلا .. وياخذني على ذكرك حنين
واذكرك يوم انّك علي حنيّنه

يوم انّنا بشاطي المحبه مبحرين
دنياي كانت باللقا .. متزيّنه

ماقول غير الله على بُعدك يعين
والصبر طبع ٍ للنفوس الديّنه

صابر ..! عسى قلبك يحن وترجعين
والا الغلا بالقلب .. باقي مكيّنه

© 2024 - موقع الشعر